எங்களால் ...

உறங்காத விழிகளால் 

ஊமை மொழி பேசி, இரு 

உள்ளங்கள் கசிந்துருகி,

உண்மையான  நேசம் 

உறுதிப்படும் போது 

ஊனமாக்கப்படுகிறது  ஜாதி !

தாயை மறந்து 

தாரத்தை மறந்து 

தன் பிள்ளையை மறந்து 

தன்னலத்தையும்  மறந்து 

தாய்நாடு காக்க 

தளராத  உள்ளங்கள் 

இணையும் போது 

இறந்து விடுகிறது ஜாதி !

குறிஞ்சி மலராய் பூத்து 

நெஞ்சு  நெகிழ 

கொஞ்சி விளையாடும் 

பிஞ்சு உள்ளங்கள் 

ஒன்றினையும் போது 

கொன்று அழிக்கப்படுகிறது ஜாதி !

ஊமையாய் இருந்து 

உயிர் பறித்தும், 

நாவில் நடனமாடி 

நாட்டை தொலைத்தும்,

கையில் ஒரு கருவியாகி 

காண்போரைக் கொன்றும்,

யுத்தங்கள் பல கண்டு 

ரத்தக்கறை படிந்த ஜாதி,

இமையத்துக்கப்பால் 

எடுத்தெறியப்படும் 

இனி எங்களால் !