உள்ளத்தில் வை மேற்கில் மெல்லச் சரியும் சூரியனை மெழுகாய் உருக்கவும் வேண்டாம் ! வானத்து வெள்ளிப் புள்ளிகளை சுள்ளிகளாய்ப் பொறுக்கி வெண்ணிலவில் குளிர்காயவும் வேண்டாம் ! மிகவும் இன்னல்பட்டு மின்னலைப் பிடித்து சன்னல் கம்பிகளாய் பின்னவும் வேண்டாம் ! துடிப்பு மிக்க தூயவனே ! துணிச்சலான இளைஞனே ! உலகில் உன்னை உதயமாக்கியவர்களை உள்ளத்தில் வை ! ஊனமில்லாத வாழ்வு உன்னெதிரில்!